Z. Eri Koshaj është Drejtor i Përgjithshëm i Agjencisë së Trajtimit të Kredive nga muaji shkurt 2018. Z.Koshaj  ka përfunduar Masterin Shkencor të Integruar të Nivelit të Dytë, pranë Fakultetit të Drejtësisë, në Universitetin “Marin Barleti”, në vitin 2007 dhe ka kryer Masterin Profesional në “Administrim Publik” në Universitetin “Aleksandër Moisiu”. Vlen për t’u përmendur eksperienca studimore 2-vjeçare në shkollën   Schtudienkolleg – Bonn, Gjermani.

Në karrierën e tij profesionale, ai ka mbajtur pozicione të ndryshme në administratën publike dhe në sektorin privat. Z. Koshaj e ka nisur karrierën e tij në vitin 2008 si Menaxher Marketingu pranë Kompanisë, AED Distribution duke vazhduar më pas si Asistent Ligjor pranë Agjencisë Concord T&T dhe Legal Expert në projektin SELEA, të financuar nga Komiteti Europian, të implementuar nga kompania Agrotec dhe Grontmij A/S, Danimarkë. Që prej vitit 2012, ka patur një eksperincë disa vjeçare fillimisht si Specialist i Burimeve Njerëzore dhe më pas si Përgjegjës në Sektorin e Shërbimeve Mbështetëse, pranë Drejtorisë së Përgjithshme të ALUIZNI-t, duke dhënë kontributin e tij në zgjidhjen e problematikave ligjore dhe ato logjistike.

Z.Koshaj e ka filluar eksperiencen e tij në Agjencine e Trajtimit të Kredive, që prej vitit 2016,si Përgjegjës i Sektorit Juridik dhe Arkëtime, më pas si Zv/Drejtor i Përgjithshëm dhe tanimë Drejtor i Përgjithshëm.

Z.Koshaj zotëron gjuhën angleze dhe atë gjermane

Është anëtar i Dhomës së Avokatisë që prej vitit 2013.

Zëvendës Drejtor i Përgjithshëm

Z. Olsi Mëneri është Zëvendës Drejtor i Përgjitshëm i Agjencisë së Trajtimit të Kredive nga muaji nëntor 2022. Z. Mëneri është diplomuar pranë Universitetit Hertfordshire në Mbretërinë e Bashkuar me diplomën Bachelor në degën Administrim Biznes dhe Master i Shkencave në degën E Drejtë Ndërkombëtare dhe E Drejtë Ndërkombëtare Financiare. 

Gjithashtu, ai ka një eksperiencë disa vjeçare në Mbretërinë e Bashkuar, ku ka punuar si “Protection Consultant”, “Mortgage & Protection Adviser”, “Examiner at University of Greenwich”, etj. 

Z. Olsi Mëneri është çertifikuar në fusha të ndryshme si: “Mortgage Advice & Practice (CeMAP)”, “Financial Law & Public Law”, “Business Administration (BA Degree)”, “Human Resources”,etj. Z. Mëneri zotëron gjuhën angleze më së miri (DPSI) diplomuar në Universitetin Greenwich.

Zëvendës Drejtor i Përgjithshëm

Z. Martin Mici është Zëvendës Drejtor i Përgjitshëm i Agjencisë së Trajtimit të Kredive nga muaji shtator 2021. Z. Mici ka një eksperiencë të gjerë në fushën bankare. Karrierën e tij e ka nisur pranë “Procredit Bank Albania”, ku ka shërbyer prej 9 vitesh, fillimisht si Analist kredie, Kordinator kredie, Nëndrejtor pranë Degës Gjirokastër, Sarandë, duke vazhduar më pas në pozicionin Drejtor Sektori në Biznesin e Vogël dhe Nëndrejtor I Divizionit të Rrjetit të Degëve dhe Biznesit të Vogël.

Në periudhën 2014-2019, Z. Mici ka operuar si Nëndrejtor I Divizionit të Rrjetit të Degëve dhe pranë “Alpha Bank”. Gjithashtu, ka eksperiencë dhe në fushën e hetimit tatimor, duke shërbyer si Drejtor i Përgjithshëm i Hetimit Tatimor pranë Drejtorisë së Përgjithshme të Tatimeve. Në vitin 2020, Z. Mici ka dhënë kontributin e tij si Këshilltar i Ministrit të Financave.

Z. Martin Mici është diplomuar pranë Universitetit Bujqësor Tiranë me rezultate të larta (2005) dhe është çertifikuar në fushën bankare, të kontabilitetit, auditit, menaxhimit të riskut, etj duke kryer specializime dhe trajnime të ndryshme si: “Lidership in sales”, “Negotiation”, “Decision making”, “Time Management”, “Recruitment training”, “Innovation Audit”, “Business Packages”, “Financial Analysis”, “Credit Risk”, etj. Z. Mici zotëron gjuhën angleze dhe italiane.